قام الفنان “أحمد عز” من خلال لقاء لبودكاست “big time” الذي يقدمه الإعلامي “عمرو أديب” عبر شاشة “mbc”الفضائية صباح اليوم الخميس بالرد على من يصفه بالغرور.
رد أحمد عز على من يصفه بالغرور
حيث قال “أحمد عز” :زمان كنت أتشال واتحط عشان أوصل للناس وأقول لكل واحد أنا مش مغرور، بس شوية لما الواحد فهم ورسي عرف إن تسهيل ربنا والنجاح وحب الناس هو الأهم”.
كما قال أيضًا: “إنه مؤمن بإرادة الله في كل شيء ولو ماشي في دنيتك وحاجة خبط في وشك ربنا اللي بينجيك منها وتنجح، الليلة دي كلها ملكش يد فيها، والله لو عملت فيديوهات الدنيا، المكانة والحتة اللي بتوصل لها وإن الناس تشوفك مغرور أو تحبك دي مش بتاعتك”.
حيث أشار الفنان “أحمد عز” إلى أنه يشعر بالغيرة الإيجابية من الفنان “كريم عبد العزيز” وذلك عندما يقدم فيلمًا ناجحًا، ووضح أن الأمر يدفعه من أجل تقديم أعمال أكثر نجاحًا.
كما جاء بطلب من “عمرو أديب” على زيادة التواصل مع الجمهور عبر مواقع التواصل الاجتماعي، قال “أحمد عز”: “هقول لهم إيه طيب”، لكي يرد الإعلامي “عمرو أديب” عليه قائلًا: “دي صورتي وأنا بلعب رياضة، دي صورتي وأنا باكل ساندوتش فول على العربية”.
لكي يرد الفنان “أحمد عز” حيث قال: “طب وده ينفع الناس فيها اللي مكفيها، لو عملت كده متخيل واحد رايح الشغل وطالع عينه وشايفني وأنا قاعد على حمام السباحة، هيقول يا ابني أنت معندكش دم أنا شقيان وطالع عيني .. وقتها هيقول لا يغور”.
