قامت الفنانة “لقاء الخميسي” بإنهاء الجدل المثار خلال الفترة الماضية حول ديانتها وذلك بعد الإدلاء بتصريحات مثيرة للغاية في حلقتها أمس لبرنامج “أسرار”، والذي تقدمه الأعلامية “أميرة بدر” المذاع عبر فضائية “النهار”.
ما هي ديانة لقاء الخميسي
حيث قالت “لقاء الخميسي” خلال حوارها: “أبويا مسلم فأنا مسلمة وأنا أسلمت قلبي لله ولكن أمي مسيحية”.
كما أوضحت “لقاء الخميسي” قائلة: “كل واحد جواه ربنا مفيش حد مش جواه ربنا، شايف ربنا إزاي أو معتنق ديانة إيه دي تخص كل إنسان مش أي شخص آخر”.
فيما أضافت “لقاء الخميسي” حيث قالت: “كل الديانات المسيحية واليهودية والإسلام بيتكلموا بنفس المنطق، ولكن كل دين له شكل في الوقت الذي أنزل فيه، وكل معتنقي هذه الديانات بتعرف ربنا”.
ما هي ديانة والدة لقاء الخميسي
كما تحدثت الفنانة “لقاء الخميسي” عن اختلاف ديانات والديها حيث قالت: “أنا أتربيت في بيت والدتي مسيحية ووالدي مسلم بس أمي عمرها ما دخلتنا في القصة دي، ومكنش فيه فرق بين والدي المسلم وأمي المسيحية إنسان وإنسانة الاتنين بيعبدوا ربنا وأمي كانت بتصوم معانا رمضان مع إنها مش مضطرة لدا، وكانت بتصحينا نصلي الفجر وكانت بتصلي لربنا بطريقتها”.
بينما ذكرت “لقاء الخميسي” قائلة: “وأنا روحت معاها مرات كتيرة الكنيسة وصليت جوا الكنيسة، هي نفس الصلاة بس الطقس المختلف بس بندعي ربنا هنا في الكنيسة وفي المسجد”.
ما هو منظور الإسلام عند الفنانة لقاء الخميسي
كما تابعت “لقاء الخميسي” خلال حديثها قائلة: “أنا شايفة إن المسلم زي اليهودي زي المسيحي وكل واحد عنده أفكاره أتربي إزاي وقرأ إزاي وقرأ ايه وأنا قرأت كتير في الدين والتاريخ، بس الطبيعي إني تطلعي مسلمة أي أنها أسلمت قلبها للإله والمسيحي مسلم طبعًا لإنه أسلم قلبه للإله سلمت قلبي لربنا يعني”.
حيث أشارت إلى أنه: “مفيش فروق بين الأديان هو نفس الكلام احنا محتاجين نعرف ربنا احنا جزء من ربنا، مش بيقولك ونفخنا فيه من روحنا؟ الطبيعي نطلع مسلمين يعني أسلمنا قلبنا بـ الإله، يبقى كلنا زي بعض”.
كما بينت “لقاء الخميسي” قائلة: “أنا مع الديانة الإبراهيمية اللي دار الحديث عن تطبيقها أو وجودها والدين يتحدث عن الله والله واحد مفيش غيره وسيدنا إبراهيم هو الأساس، والثلاث ديانات زي بعض وقبل ما يبقى فيه إسلام في مصر كانت البلد مسيحية، وقبلها كانت يهودية وبعدين دخل عمرو بن العاص مصر بقت إسلامية”.
